23-Jul-2017 - பிடி காடு அத்தியாயம் - 12 பதிவேற்றம் செய்யப்பட்டுள்ளது.  |  01-Jan-2017 - "என் ஸ்வாசம் நீயே" புத்தக வடிவில் MS பதிப்பகம் மூலம் வெளியாகியுள்ளது.  |  01-Nov-2016 - 'இரயில் சிநேகிதம்' என்ற தலைப்பில் நான் எழுதிய கட்டுரை அக்டோபர் 28, 2016 அன்று சிறகு இதழில் வெளியாகியுள்ளது.  |  26-Sep-2016 - இந்தியாவில் மட்டும் கிடைக்கும் பிரெஞ்சு டோஸ்ட் என்ற தலைப்பில் நான் எழுதிய கட்டுரை செப் 24, 2016 அன்று சிறகு இதழில் வெளியாகியுள்ளது.  |  14-Aug-2016 - "திருப்புமுனை" சிறுகதை "சிறுகதைகள்" தளத்தில் படிக்கக் கிடைக்கும்  |  09-Aug-2016 - "நலம். நலமறிய ஆவல்" பிரதிலிபியின் கடிதப் போட்டிக்காக நான் எழுதிய கடிதம்  |  12-Jul-2016 - "நிலா பிம்பம்" கவிதை  |  04-Jul-2016 - "கவனத்தை ஈர்க்கும் ஒரு சொல்" என்ற தலைப்பில் நான் எழுதிய கட்டுரை ஜூலை 02, 2016 சிறகு இணைய இதழில் வெளியாகியுள்ளது.  |  20-Jun-2016 - "ஆடை மாற்றம் ஆள் மாற்றத்திற்கான முதல் படி" கட்டுரை இந்த வார சிறகு இதழில் (18-Jun-2016) வெளியாகியுள்ளது.  |  15-Jun-2016 - "Run away" article has been published  |  
head-logo
 
   
Home | Novels | Gallery | Completed Novels | Ongoing Novel | Others | Shop Now |
 
 
Poems
Short stories
Articles
# என்னை போல் பெண்ணொருத்தி #

அம்மா ஊட்டிய உணவை நான் மறுத்தபோது

உணவுக்கு வழியின்றி பிச்சையெடுத்துக் கொண்டிருந்தாள்

பள்ளிக்கு செல்ல நான் அடம் பிடித்தபோது

பள்ளிக்கு வெளியே இரும்பு கதவில் தொங்கியபடி

ஏக்கமாய் பார்த்துக் கொண்டிருந்தாள்

கல்லூரியில் கடனுக்காக நான் படித்துக் கொண்டிருந்தபோது

கடனடைக்கவென்று வீட்டு வேலை செய்துக் கொண்டிருந்தாள்

பொழுதுபோக்கிற்காக நான் புத்தகம் வாசித்தபோது

எழுத்துக்கூட்டி தன பெயரை வாசிக்க திணறிக் கொண்டிருந்தாள்

சமுதாய அந்தஸ்திற்காக நான் வேலை பார்த்தபோது

தன் பிள்ளை படிக்க எனக்கு ஊழியம் செய்துக் கொண்டிருந்தாள்

என் பிள்ளைக்கு நான் சிற்றுண்டி கொடுத்தபோது

வீட்டில் மீதமிருந்ததை எடுத்துச் செல்ல

என்னிடம் அனுமதிக் கேட்டுக் கொண்டிருந்தாள்

என் பெயரனுக்கு நான் கதை சொல்ல

அடுக்களையில் உலை வைத்து அவள் வெந்துக் கொண்டிருந்தாள்

என்னை சுற்றிலும் இருக்கிறாள்

என்னை போல் பெண்ணொருத்தி

எங்கும் எப்போதும் எந்நிலையிலும்

Posted on 19-Apr-2016

Read More >>

# யான் #

ஏதுமற்ற புள்ளியிலிருந்து துவங்கிய யாத்திரை

விழுதுவிட்டு வேரூன்றி பிறப்பு படுக்கையில் குறுகலாய் நிரம்பி

இருட்டறையின் இருள் தாளாமல் சுவர்களை பெயர்த்து

உதிரம் பருகி அன்னம் புசித்து

ஜீவித்திருக்க பழக்கிக் கொள்கிறது

கற்றது புரியாமலும் கல்லாதது உணர்ந்தும்

தன்னை தானே காத்துக் கொள்ள அரண் செய்கிறது

உலகோடு ஒன்றியும் ஒட்டாமலுமானதொரு போக்கு

உறக்கமும் விழிப்பும் தொடர் சங்கிலியாய்

தன்னிலிருந்து ஒரு புள்ளியை விதைத்து

காற்றில் கரைந்தோடி கலைந்து காற்றாக மாறும் விந்தை

பயணிகள் மாறியபோதும் பாதைகள் திரும்பியபோதும்

யாத்திரை தொடர்ந்துக் கொண்டே இருக்கிறது

Posted on 16-Apr-2016

Read More >>

# மறுக்கப்பட்ட யாசகம் #

மன்னிப்புக் கோருகிறாய்

நெஞ்சில் நீங்கா இடம் பிடித்த நட்பின் நினைவுகளைக் காலும்

நீ உண்டாக்கிய காயத்தின் வலி வலியது

மறக்க முடியாததால் மறுக்கிறேன்

வடுக்கள்

அடையாளச் சின்னங்கள்

படிப்பினைகள்

தவறு திரும்பத் திரும்ப செய்வதற்கல்ல

திருத்த முடிவு செய்தப்பின்

திரும்பிப் பார்ப்பது கோமாளிக் கூத்து

Posted on 15-Apr-2016

Read More >>

# யார் தவறு #

காதலுரைத்தாய்

உவம உவமானங்கள் விடுத்து

நேசத்தை நிஜமாய் கூறினாய்

மேல் பூச்சின்றி

பொய்யின்றி

புனைவின்றி

தடுமாற்றமின்றி

உறவுகள் மாறுவது உலகிற்கு புதிதல்ல

நம்மிடையிலான பழையதொரு உறவுக் கூட

மாறிப் போகுமென்று நினைத்ததில்லை

என்னுள் சலன சாயல்கள்

தடுமாற்றம் தவிப்பாய் மாறிய தருணம்

மீண்டும் அதே கண் கொண்டு

உனைக் காண இயலாதோ?

நதியொன்றைக் கடந்து

அக்கறை சென்றுவிட்டாய்

இக்கரையில் நான்

மீண்டும் மாற மனமில்லையென்கிறாய்

நதி கடக்க எனக்கு துணிவில்லை

இருவருக்குமிடையில் ஏனிந்த தொலைவு?

Posted on 14-Apr-2016

Read More >>

# ஓர் உணர்வு #

ஓர் காட்சி

ஓர் சலனம்

ஓர் எண்ணம்

ஓர் தயக்கம்

ஓர் யோசனை

ஓர் தீர்மானம்

ஓர் செயல்

ஓர் விளைவு

ஓர் குற்றவுணர்வு

ஓர் மன்னிப்பு

ஓர் பாடம்

ஓர் திருத்தம்

ஓர் நிறைவு

Posted on 11-Apr-2016

Read More >>

# இணைப்பு பாலம் #

ஒரு பிடி சோற்றின் இரட்டை பருக்கையாய்
உன்னருகிலிருக்க மனம் ஏங்க
எட்டு பர்லாங் தூரத்தில் எட்டி நிற்கிறாய்
எட்டிப் பிடிக்கும் எண்ணமிருந்தும்
ஓரெட்டும் எடுத்து வைக்கவில்லை
அசைவின்றி இரு புள்ளிக்குமான
இடைவெளியைத் துடைத்தெறிய இயலுமா?
தானே கரைந்துப் போகுமென்ற
குருட்டு நம்பிக்கையின் அடிப்படையில்
இருவரும் நிற்கிறோம்
நேர்கோட்டின் இரு மருங்கிலும்

Posted on 08-Apr-2016

Read More >>

# குளியலறை #

சுற்றும் முற்றும் பார்த்து

சப்தம் வராமல் சிரித்துப் பார்க்கிறேன்

உள்ளிருந்து சந்தோஷக் குமிழிகள்

இன்னும் அதி வேகமாய் மேலெழும்பத் துவங்குகின்றன

யாரேனும் பார்த்துவிடக் கூடும்

நிலத்தில் பாதம் பதிக்கிறேன்

இன்னும் கொஞ்சம் அழுத்தம் கூட்டி முயல்கிறேன்

சந்தோஷ ஊற்றின் பிரவாகத்தை

கட்டுக்குள் கொண்டு வர எத்தனித்து தோற்க நேர்கிறது

வெடித்தழும் தருணங்களில்

உடலில் ஏற்படும் நடுக்கத்தை காட்டிலும் அதிக பரப்பரப்பு

வேகமாய் விரைந்தோடி சரண் புகுகிறேன்

காற்றில் மிதந்து குதியாட்டம் போட்டு

மீண்டும் கீழிறங்கும் என்னை சுமக்கிறது குளியலறை

Posted on 06-Apr-2016

Read More >>

# நீ நான் வாழ்க்கை #

விதிவிலக்குகள் விதிகளாகாதென்ற விதியின்படி
நீயும் நானும் சேர்ந்தே இருக்கின்றோம்
சூழ்நிலையை காரணியாக்க இது சந்தர்ப்பவாத காதலன்று
எதிர்பாலின் பால் ஈர்ப்புண்டாக்கும் இனக்கவர்ச்சியின்
கட்டமைப்புக்குள் சிக்குண்டு தவிக்காமல்
வரையறையற்ற வெளியில் சுற்றித் திரிகின்றோம்
தேக சூட்டில் குளிர் காயும் நடுநிசி பொழுதாயினும்
உடனில்லா போதுகளில் நினைவுகள் தரும் குளுமையாயினும்
பிரிவின்றி பிணைந்தே இருக்கின்றோம்
சரியோ தவறோ பிடித்தத்தின் அடிப்படையில் நாம் அமைத்துக் கொண்ட
நம் வாழ்வுக்கு கட்டியம் கூறும் வெள்ளியும் ஞாயிறும்

Posted on 06-Apr-2016

Read More >>

# அறிமுகமில்லா என் முகம் #

கூட்டமென்று ஒதுங்கிப் போகிறேன்
சில தலைகள் திரும்புவதைத் தடுக்க முடியாமல்
சப்தம் பலர் ஈர்க்குமென்று ஓசை துறக்கிறேன்
மூச்சுக் காற்றின் ஒலியை என்செய்வதென்றக் குழப்பத்துடன்
தனித்திருக்கையிலும் நிழலின் கூட்டணி
முகமறியா முகங்களரிய பிரயத்தனம் செய்யும் இச்சையில்லை
சில நேரங்களில் அந்நியமாய் தெரிகிறது
எனக்கான என் முகம்

Posted on 01-Apr-2016

Read More >>

# வேறு வேறு #

பிரிய வழி தேடி
பிரிவு காணா பிணைப்பில்
பழையதோர் பாசாங்கில்
பற்றியெரிகிறது வானம்
அணைத்து 
ஆறுதல் கூற முனைந்து
துள்ளி அலைகிறது மேகம் 
அதனதன் அழகு
அதனதில் அழகு

Posted on 29-Mar-2016

Read More >>