31-Jul-2018 - செம்புனல் அத்தியாயம் - 14 பதிவேற்றம் செய்யப்பட்டுள்ளது.  |  29-Jul-2018 - பிடி காடு அத்தியாயம் - 27 (இறுதி அத்தியாயம்) பதிவேற்றம் செய்யப்பட்டுள்ளது.  |  10-Jun-2018: பின்வரும் கதைகள் தளத்தில் பதிவேற்றம் செய்யப்பட்டுள்ளன. 1. பிழையேத் திருத்தமாக 2. கானல் நீர் பார்வை 3. பொய்ப் பூட்டு  |  
head-logo
 
   
Home | Novels | Gallery | Completed Novels | Ongoing Novel | Others | Shop Now |
 
 
# வான் சேர் நிலம் #

உச்சி மறைந்து காணும்

ஓர் மலையின்

கூர் வெளியின் முகப்பில்

ஆழ் பள்ளங்களாய்

செதுக்கி வைத்திருப்பது

நினது பெயரே!

வெயில் சூட்டினின்று

காக்கும் நிழல் பரப்பும்

கடுங்குளிரின் கொடுங்கரத்தினின்று

மீட்கும் இளவேனிலும்

சங்கமிக்குமிடம்

உன்னில் அடங்குமோ?

என் வாழ்வென்னும் புத்தகத்தில்

கிறுக்கப்பட்ட

புரியா பிழைகளிலும்

நேர்த்தியாய் வரையப்பட்ட

அழகோவியங்களிலும்

ஏதோவொரு புள்ளியில்

உன் சாயலின் பிம்பம்!

அண்ணாந்து பார்க்கும்

அகல வானில்

அண்மையில் தெரியும்

கானல் நீரில்

என்னுள் புதைந்திருக்கும்

உன் வாசனை

கலந்தே இருக்கிறது.

ஏதோவொரு தொலைவில்

நீயென்று தீர்மானித்து

தள்ளிப் போக

தொடர்ந்து துடிக்கும்

இதய துடிப்பின்

ஒரு துடிப்புக் கூட

கட்டளையிடவில்லை.

உன்னுள் மூழ்கிட

விழையும் நானும்

என்னை துறந்து

எனதருகிலேயே நிற்க

துடிக்கும் நீயும்

வான் சேர் நிலம்.

Posted on 20-Apr-2016



Please login to post your views



Posted by : Author